UN ARTISTA DE A BAIXA LIMIA EN CELANOVA 30 de Abril de 2009

Na Casa dos Poetas de Celanova inaugurouse, no día de hoxe, unha exposición de esculturas realizadas polo artista de A Baixa Limia Toño Monteiro.
A mostra escultórica, titulada “O Maio”, presenta obras surrealistas realizadas en materiais tan diversos como granito, pizarra, gres, pedra volcánica e ferro.
Toño Monteiro ten os seus obradoiros de madeira e ferro en Ganceiros e Xendibe do Concello de Lobios, de onde é natural.
Dende Diario de Lobeira animamos aos nosos lectores a visitar esta interesante exposición, que permanecerá aberta todo o mes des Maio, na seguridade de que sentiran nas obras de Monteiro a chamada íntima de moitos lugares e feitos da historia das nosas terras.