Deberíamos poñernos moi ledos, se temos en conta a nova dada hoxe por La Región de que seis concellos ourensáns aspiran a ser a porta de entrada ao Parque Natural Xurés-Gerés e que os equipos técnicos dos concellos de Entrimo, Calvos, Muíños, Bande, Lobeira e Lobios xa están traballando nas súas propostas. Cita La Región a proposta de Entrimo, Muíños, Bande e Lobios, pero nada di referente ao Concello de Lobeira. Isto pode ter moitas explicacións pero a min, coñecendo a nosa situación, soamente me cabe unha:

ONDE CARALLO ESTÁ O EQUIPO TÉCNICO DE LOBEIRA?
Arsenio Landa

ENGADIMOS LINK COA NOVA DE LA REGIÓN

http://www.lavozdegalicia.es/ourense/2010/04/20/0003_8429784.htm

Hai xa bastantes anos atopeime cun amigo, empresario de servizos fúnebres, cando saía da Farmacia de Lobeira. Pregunteille que facía por alí e respostoume que estaba intentando facer un Tanatorio en Lobeira, pero que non atopaba nin apoio nin axuda por parte do Alcalde. Vamos que o Sr. Alcalde non vía a necesidade dun lugar para velar os mortos de Lobeira. Chegou con que o PP perdese as eleccións autonómicas e que a oposición de Lobeira levase no seu programa a construción dun Tanatorio para que lle entrasen tamén as ganas ao Sr. Alcalde. Debeu considerar que era perigoso, para os seus intereses cando menos electorais, que outros viñeran a facer o que el non quería. Logrou sacarlle a Deputación a construción do Tanatorio, instalándoo no lugar menos adecuado, como xa expuxemos en outras ocasións e tomando decisións en Comisión de Goberno, en contra do acordado por unanimidade en Pleno. Unha mostra máis de como fai o que quere, sen ter en conta a lóxica, o sentido común e as opinións dos que representan a unha importante parte do Concello de Lobeira. ¡Toda unha lección de actuación ditatorial e caciquil!.

Pero, como era de esperar, agora chega a triste realidade das consecuencias dunha tan desafortunada actuación. Si lle facemos caso aos comentarios que circulan pola Vila e por desgraza ao parecer son verdadeiros o Concello acaba de alugar o Tanatorio, FEITO CON DIÑEIRO DOS CONTRIBUÍNTES, a un empresario do sector, pola módica cantidade de 50 € ao mes. Tamén se dí que o consumo da luz correrá a cargo do Concello.

¡ISTO XA É A GOTA QUE COLMA O VASO!.

Que trexemanexes se trae o Alcalde para regalar un negocio feito con diñeiro público a un particular, que por certo non é o que eu vin en Lobeira e que quería facer o Tanatorio pola súa conta.

Imos continuar a ver ao PP provincial e rexional a consentir estas actuacións que son de Xulgado de Garda?.

Non terá un intre o novo Presidente Provincial do PP para mirar para Lobeira e tomar unha decisión que non quixo tomar seu pai?.

IMOS SEGUIR POR MÁIS TEMPO AS XENTES DE LOBEIRA SOPORTANDO, COA PASIVIDADE DO PARTIDO POPULAR, ESTES ATAQUES CONTINUOS A NOSA DIGNIDADE?.
Arsenio Landa